Смотрите телеканалы онлайн:

Молитвы, составленные преподобным старцем Алексием

Преподобный Алексий (Соловьёв)
Старец Смоленской Зосимовой пустыни
(1846-1928 гг.)

Молитвенная просьба

Господи Иисусе Христе, Сыне Божий, Пресвятая моя Богородице и святый мучениче Трифоне, пошлите мне благой и честный труд во славу Божию и на пользу ближних моих. Аминь.

Молитва человека, ищущего покоя в Боге

Господи, Боже наш! Прости нам вся прегрешения наша, вольная и невольная!
Во всём да будет Твоя святая воля над нами, грешными. Нас же сподоби во всём неуклонно, в мире душевном покоряться всеблагой и премудрой воле Твоей и исполнять ю; и имиже веси судьбами, спаси нас, недостойных раб Твоих; тогожде сподоби и присных наших, и всех людей Твоих, яко вся ведый, яко к истинному благу нашему, всемилостивый и Благословенный во веки. Аминь.

Молитва в предчувствии кончины

Господи мой, Господи! Прими смиренное сие моление мое. Избави мя от внезап-ной смерти, но пред наступлением кончины моея ради очищения множества грехов моих, ради принесения истинного покаяния и напутствия святыми таинствами, ради христианскаго перехода в жизнь вечную, блаженную, в мире душевном сподоби мя, Преблагий Господи, потерпеть болезнь предсмертную без непосильных страданий, без ропота, с благодарностью. Сподоби и окружающих мя разумно и во благодушии послужити мне при одре моей болезни во имя Твоё и через сиё святоё дело обрести себе благоволение Твоё и вечное спасение. Ты бы еси хотяй всем спастися, Всемилостивый и Благословенный во веки. Аминь.

Молитва духовника перед исповедью

Господи, Боже мой! Прости мне и чадам моим духовным вся согрешения, вольная и невольная.
Сподоби мя свято, в мире душевном, во здравии души и тела совершить предстоящую спасительную исповедь. Слово разуму и рассуждения духовнаго подаждь ми. Тожде подаждь и чадам моим духовным; дух покаяния сердечного и исповедь совершенну даруй им. Соблюди нас в истинной вере и благочестии. Святый душевный мир подаждь нам и вечное спасение. Яко Ты еси наш Просветитель и Спаситель, и Тебе славу возсылаем во веки. Аминь.




ВВЕРХ